Пица од тиквица

Пицата настанала во Италија како храна на сиромашните. Селаните имале свое сопствено брашно, произведувале домати, сирења и кашкавали и други продукти, па од нив правеле различни видови на пица, во зависност од она што во моментот го имале дома
Денас пицата е мошне популарно јадење во светот, пред сѐ поради евтините и лесно достапни состојки како и поради едноставноста на нејзината подготовка.
Јас ви приготвив доста лесна и помалку калорична пица за денес.

Потребни состојки:

Потребни состојки за тесто :

1 тиквица
1 јајце
бибер
1/4 лажица сол
1/4 лажица оригано
1/4 лажица босилок
50 гр. моцарела

Потребни состојки за фил:

Свежи печурки
доматен сос
50 гр. моцарела

Начин на подготовка:

Најпрво ја лупите и рендате тиквицата
Ја цедите од вода преку газа
Додавате едно јајце и сите зачини заедно со 50 гр. рендана моцарела
Мешате додека не форимирате тесто
Веќе направеното кружно тесто го ставате на хартија за печење
Печите 20 минути на 180 Ц.
На веќе готовото тесто додавате доматен сос, свежи печурки, чери домати, моцарела и оригано
Го враќате на печење уште 10 минути на 150 Ц.
Уживајте!